تاند:( چار شنبه، د جدي ۲۱) په خوست کې یونیسف ادارې د (OCHR ) مؤسسې په همکارۍ د ۱۲ لکو امريکايي ډالرو په مالي لګښت ټولګټې پروژې پیل کړې.
ځايي طالب چارواکو ویلي، چې پر دغو پيسو د څلورو ولسواليو لپاره د څښاک پاکو اوبو د ۱۳ سولري شبکو او د ۶۴۰ مبرزونو د پروژو د بنسټ ډبرې کېښودل شوې.
طالب چارواکو ویلي، يادې پروژې به د خوست ولایت د اسمعيل خېلو مندوزيو، تڼيو، سپېرې او نادرشاه کوټ ولسواليو کې ۵۳۲۳ کورنيو لپاره ترسره شي چې د ۱۲۰ کاري ورځو په موده کې به ۱۶۸۶۹ ماهرو او غيرو ماهرو کاريګرو ته د کار اومزدورۍ زمينه برابره کړي.
د سپېرې ولسوالۍ لپاره ۱۰۰۰ لاسي کراچۍ، بېلچې، کثافت دانۍ او د روغتيا قوطيو د توزيع تر څنګ به ورته د حفظ الصحې په برخه کې عامه پوهاوی هم ترسره شي.