محمد سمېع صادق
د پښتونستان د جنډې دا نوې بڼه په کال ۱۹۵۰ میلادي کي د قبایلو له لوري و پښتو ټولني ته لېږل سوې وه. دا بیرغ د پښتونستان د تیرا، د وزیرستان د ګرویک او مهمندو د شوراګانو لخوا منل سوی وو. تشریحات ئې دا دي:
سور رنګ
سور رنګ موږ ته د پښنونستان د آزادۍ د ګټلو او ساتلو په لاره کي د همېشه دپاره د خپلو وینو تویولو ته د آمادګۍ درس راکوي.
تور رنګ
د بیرغ په منځ کښي توره پټۍ د اسلام د لومړیو وختو د جهاد د بېرغ «د اسلام» عقاب او د مکې «کعبې» شریفي د پوښ څخه تبرکاً اقتباس سوې ده.
غرونه
د پښتونستان د مملکت د هغو جګو غرو نمایندګي کوي چي په سر ئې واوري او په لمنو کښي ئې سره ګلونه دي ، او تل آزاد وو او آزاد به وي.
د غرونو د پاسه نیم ختلی لمر
د غرونو د پاسه نیم ختلی لمر موږ ته را ښيي چي د پښتونستان او پښتون ملت د سعادت، نېکمرغۍ او استقلال لمر را ختلی او د همېشه دپاره به د پښتني دنیا په آسمان کښي ختلی او ځلېدونکی وي.
د کابل له مجلې څخه