تاند:( پنجشنبه، د جدي پینځلسمه)د طالبانو د ریاست الوزراء سیاسي مرستیال مولوي عبدالکبیر د افغانستان لپاره د ملګرو ملتونو د سرمنشي د ځانګړې استازې له مرستیال مارکوز پوتزل سره په لیدنه کې د نړیوالو بشري مرستو د دوام غوښتنه کړې ده.
د طالبانو د اعلاميې له مخې ، په دې لیدنه کې مارکوز پوتزل وویل چې په افغانستان کې د یوناما ماموریت او افغانانو ته د ملګرو ملتونو بشري مرستې دوام لري.
هغه وویل یوناما د افغانستان د حاکمې ادارې او نړیوالې ټولنې تر منځ د پل حیثیت لري او هڅه کوي چې د دواړو تر منځ واټن پای ته ورسوي.
هغه زیاته کړه چې ملګري ملتونه د افغانانو دین او کلتور ته درناوی لري، خو د ښځو د زده کړو او کار په اړه په اوسني وضعیت قانع نه دي او د طالبانو وروستي فرمانونه به د نړیوالې ټولنې پر کار او مرستو منفي اغېز وکړي.
هغه وویل چې د طالبانو اداره باید د ښځو د زده کړو او کار او په دې هېواد کې د ټولشموله حکومت په اړه د نړیوالې ټولنې غوښتنې ومني.
مولوی عبدالکبیر د ملګرو ملتونو له بشري مرستو مننه وکړه او د دې مرستو دوام یې وغوښت.
د طالبانو د ریاست الوزرا سیاسي مرستیال وویل چې د طالبانو ادارې د رسمیت پېژندنې ټول شرایط پوره کړي او ملګري ملتونه باید په دې سازمان کې د افغانستان څوکۍ دوی ته وسپاري.
نوموړي وویل دویح د ملګرو ملتونو نقش ته د قدر په سترګه ګوري، له نړۍ سره نیک تعامل غواړي او یوناما دې ورسره په دې اړه همکاري وکړي.
هغه زیاته کړه چې د طالبانو اداره ټولګډونه حکومت ته ژمن دی، په اوسني حکومت کې د هر قوم او هر ولایت خلک شته او لاهم هڅه کېږي چې د هرقوم او سیمې متخصص او هیواد ته ژمن خلک په حکومت کې ځای شي.
نوموړي وویل، دیني او عصري زده کړه د هر افغان حق بولي او د افغانانو د مذهب او فرهنګ په رڼا کې دښځو د زده کړو او کار لپاره د مناسب چاپېریال په رامنځته کولو بوخت دی او په دې اړه د نړیوالو بې غرضه مرستې هم غواړي.
دغه طالب مقام زياته کړې، هیچاته اجازه نه ورکوي چې د افغانستان خاوره د نورو پرضد وکاروي او پدې اړه موجودې بې بنسټه دعوې ردوي.
طالبانو نه دي ويلي، چې د نړیوالو بشري مرستې دوام لري که ځنډول شوي.
په وروستيو کې افغانستان ته د نقدي مرستو د رسیدو د ځنډیدو نا تایید شوي راپورونه ورکړل شوي او دلیل ېې د ښځو او نجونو پر وړاندې د طالبانو د مشرتابه نوي بندیزونه ښودل شوي.
مرستو پسې خو مړه یاست بیغیرتو هغه د مور میړه پنجابي مو ټولې میندې او ماشومان په زندانو کې اچولي په هغې ولې غیرت نکوئ. څه په ۵۰۰۰ کلن تاریخ بیا ځانو ته د احمدشاه او میرویس اولاده وایی او د پنجابي وړاندې پدې لویو ږیرو او سپګنو سرو لاس په نامه ولاړ یی.