تاند:( چار شنبه، د جدي څوارلسمه) له کابل څخه راپورونه څرګندوي، چې د دغه ښار په اتمه ناحیه کې د داعش ډلې پر یوه پټنځای د طالبانو د ځواکونو عمليات روان دي.
ځينو سرچينو د دغه پټنځای سیمه بني حصار او ځینو د کارته نو « هېوادوال بلاکونه» ښيي.
د طالبانو ځينو سرچينو ويلي، چې تر اوسه په دې عملياتو کې ۳ داعشیان وژل شوي.
د طالبانو وياندويانو په دې اړه څه نه دي ويلي.
د طالبانو د شاوخوا يو نيم کال بيا ځلي واکمنۍ راهیسې طالب چارواکو په ځلونو- ځلونو د داعش ډلې د نابودۍ خبر ورکړی، خو وروسته د ځینو بریدونو له مسووليت اخيستو او یا ېې پر ضد له داسې عملياتو سره د داعش ډلې د فعالیتونو او حضور د دوام خبر ورکړل شوی.