تاند:( سې شنبه، د جدي ديارلسمه) د کابل لپاره د طالبانو د امنیې قومندانۍ چارواکو ويلي، چې په تایمني سیمه کې د يوه سوداګر د تښتولو د مخنيوي پر وخت د طالبانو او تښتونکو تر منځ نښته شوې ده.
د طالبانو د امنیې قومندانۍ ویاند خالد ځدراڼ ويلي، چې په دې نښته کې ۴ تښتونکي وژل شوي او سوداګر یې له منګولو ژغورل شوی.
سرچینې په دې اړه نور جزییات نه دي ورکړي.
کابل ښاریان د تښتونکو او غلو پر وړاندې د طالبانو له لاسته راوړنو خوشاله دي، خو وايي د دغې ډلې نور سخت دریځه سياستونه له افغانستان سره د نړيوال تعامل او مرستو خنډ شوي، چې له دې امله فقر او اقتصادي جرمونه زیات شوي.