تاند- د افغانستان د کرکټ نامتو لوبغاړی راشد خان د هیواد له کرکټ بورډه مننه وکړه چې ده ته یې د ملي لوبډلې د ۲۰ اره لوبډلې د کیپتانۍ مسوولیت وسپاره.
راشدخان تر دې وړاندې هم د لندې مودې لپاره د شل اوره لوبډلې کیپتان ګومارل شوی و خو په بیلابیلو کلبونو کې د مصروفیا له کبله یې کیپتاني پرېښوده.
ده پر خپله فیسبوکپاڼه کښلي:
«ان شاءالله چې د ګران افعانستان د کرکټ د لا ښه کېدو لپاره به جدي هلې ځلې او کار کوو. ستاسو د ټولو څخه هم نړۍ نړۍ مننه چې مبارکۍ مو راکړې او په دې ډګر کې مو هم زموږ بریا غوښتې ده.»