تاند (شنبه، د جدي ۳ مه) طالبانو نن په کندهار کې د خپلې هغې پرېکړې خلاف، چې د نجونو د پوهنتوني زده کړو مخه نیسی، د محصلانو د لاریون مخه ډب کړه.
د کندهار د میرویس پوهنتون محصلانو غوښتل چې لاریون وکړي خو طالبانو په پوهنتون کې د سختو امنیتي اقداماتو په وسیله محصلان پرې نه ښودل چې لاریون وکړي.
له بلې خوا نن په هرات کې یو شمېر ښځې د طالباني پالیسیو په اعتراض کې واټونو ته راووتې.
دوی غوښتل چې په هرات کې د طالبانو د والي د دفتر لور ته لاریون وکړي خو وسله والو طالبانو یې مخه ونیوله.
په وروستیو ورځو کې په ننګرهار او تخار کې هم یو شمېر محصلانو د طالبانو د پرېکړې پر ضد اعتراضونه کړي دي.
همداراز یو شمېر محصلانو د نجونو د زده کړو خلاف د طالبانو پر پرېکړه د اعتراض په دود درسي ټولګیو ته له حاضریدو ډډه کړې ده.
دطالب دناسمو پريکړو په مقابل کي به دا ملت ان شاالله يوکيږي