تاند(سې شنبه، د قوس ۲۹ مه) په کندهار کې طالب چارواکو له چمن څخه راغلي پلاوي ته وویل چې په سپین بولدک کې افغان ځواکونو یوازې د خپلې خاورې دفاع کړې ده.
له چمن څخه د دیني عالمانو او قومي مشرانو پلاوی پرون (دوشنبه) کندهار ته ورسید چې د افغان طالبانو د حکومت له مشرانو سره پر دیورند کرښه د نښتو د مخنیوي په اړه خبرې وکړي.
د کندهار د والي له دفتره په یوه خپره شوې خبرپاڼه کې ویل شوي چې پرون ماسپښین د کندهار والي حاجي محمد وفا پاکستاني پلاوي ته وویل«موږ تل د خبرو له لارې د ستونزو د حل غوښتونکي یوو، زموږ ځواکونو د ځان د دفاع لپاره ډزې کړي دي.»
تېره اوونۍ د سپین بولدک – چمن ترمنځ په شیرواوبو سیمه کې د افغان او پاکستاني ځواکونو ترمنځ دوه ځلې نښتې وشوې چې له کبله یې په دواړو خواوو کې لسګونو کسانو ته مرګ ژوبله واوښته.
د افغان طالبانو او د سپین پولدک د ځینو اوسېدونکو په وینا دا جګړې هغه وخت ونښتې چې طالبانو د ډیورند کرښې دې غاړې ته پوسته جوړوله او پاکستاني پوځیانو پرې ډزې وکړې.
خو پاکستان د دې خلاف ادعا کړې چې لومړی افغان طالبانو بې موجبه په دوی ډزې کړي دي.
پاکستاني رسنیو نن د یوه ځايي چارواکي په قول ویلي چې کندهار ته په تللي پلاوي کې، چې قاري اسلام عالمیار یې مشري کوي، د چمن د سیمې ۱۶ تنه ملایان او سپین ږیري شامل دي.
په حقیقت کې ستاسو له خپلی خاوری دفاع نده کړی هغه حرامونې راغلی وه له ملا هیبت خینزیر سره یې لواطت وکړ او بیرته ولاړه