تاند:( شنبه، د قوس شپږ ويشتمه) د طالبانو د حاکمې ادارې د بهرنيو چارو وزارت سياسي معين شير محمد عباس ستانکزي د افغانستان لپاره د ازبکستان ځانګړي استازي عصمت الله ایرګشوف سره له ازبکستان څخه د وارداتي برېښنا د ستونزو له امله اړه ټليفوني خبرې کړي.
د طالبانو په یوه اعلامیه کې راغلي ،چې ستانکزي له ازبکستاني لوري وغوښتل چې د وارداتي برېښنا کچه هغې اندازې ته ورسوي چې د دواړو هېوادونو ترمنځ پرې وارد مخه هوکړې شوې ده.
سرچينه زياتوي، چې عصمت الله ایرګشوف هم ياده ستونزه ومنله او زياته يې کړه چې په دې تړاو يې د ازبکستان د برېښنا له وزارت سره خبرې کړي او هغوی د يادې ستونزې لامل په ازبکستان کې د سړې هوا په رارسېدو سره د برېښنا کمښت او هم ځينې تخنيکي ستونزې يادې کړي دي.
ایرګشوف وويل، چې د دوی د هڅو په پايله کې د برېښنا د لېږد کچه یو څه لوړه شوې ده او کوښښ کوي چې افغانستان ته د برېښنا کچه لا زياته شي.
په وروستيو کې له ازبکستان څخه د وارداتي برېښنا له کميدو سره په کابل او ولایتونو کې بریښنا کمه شوې، چې خلکو ته ېې ډېرې ستونزې رامنځته کړي دي.