تاند:( چار شنبه، د قوس درويشتمه) په هرات کې د طالبانو د حاکمې ادارې ځايي چارواکي وايي چې د دغه ولایت د مرکز په دوو بېلابېلو سیمو کې پنځه تنه د ګاز نېونې له امله مړه شوي دي.
د طالبانو په اعلامیه کې په دې اړه نور جزییات نه دي ورکړل شوي.
تېره اوونۍ په کابل کې هم د یوې کورنۍ ۶ تنه د ګاز نېونې له امله مړه شوي وو.
د ژمي پر مهال هر کال افغانستان د ګڼو داسې پېښو شاهد وي، چې اصلي دلیل ېې د ګازو بخاريو په استعمال کې بې احتياطي ګڼل کېږي.