تاند:( جمعه، د قوس اتلسمه) د کندهار په ژړۍ ولسوالۍ کې د ۳۵ آس ځغلونکو لوبغاړو ترمنځ د آس ځغلونې لوبه وشوه.
د کندهار لپاره د طالبانو د ولايتي ادارې په یوه اعلامیه کې راغلي،چې دغه سیالۍ نن د ژړۍ ولسوالۍ په سنځري سیمه کې وشوه.
سرچینه زیاتوی، چې دغه سیالي د ۳۵ آس ځغلونکو لوبغاړو ترمنځ د آس ځغلونې د لوبغالي د پرانيستلو لپاره وشوه.
د طالبانو په اعلامیه کې د یاد شوي لوبغالي په اړه څه نه دي ويل شوي.
د طالبانو له بيا واکمنيدو سره له کندهار څخه د رغنیزو او ورزشي فعالیتونو د زیاتیدو خبر خبرونه ورکول کېږي.