تاند:( پنجشنبه، د قوس اوولسمه) د افغانستان لپاره د امريکا متحده ايالاتو ځانګړي استازي ټام ويسټ په متحده عربي اماراتو کې د افغانستان له پخواني ولسمشر حامد کرزي سره ليدلي.
د امریکا د بهرنیو چارو وزارت ویاند ویلي، چې ويسټ په متحده عربي اماراتو کې د يو شمېر نورو افغان سیاستوالو له لیدنو سربېره د افغانستان له پخواني ولسمشر حامد کرزي سره هم ليدلي.
خپله ټام ويسټ له حامد کرزي سره تر لیدنې وروسته په خپله ټویټر پاڼه لیکلي، چې د هغه په ګډون افغان سیاستوالو څخه ېې د افغانستان د خلکو غوښتنې واوريدې.
د ویسټ په وینا، افغان سیاسي څېرو د بېلابېلو لیدنو پر وخت له طالبانو څخه د نجونو د ښوونځيو او نورو بشري حقونو د تامين تر څنګ د افغانستان د راتلونکي په اړه د خبرو د پیل غوښتنه وکړه.
ويسټ د طالبانو له بيا واکمنيدو سره، کرزي ته د لومړني بهرني سفر په زمينه برابریدو هم خوښي ښودلې ده.
د امریکا د بهرنیو چارو وزارت له ټام ويسټ سره د طالبانو د دفاع وزیر ملا یعقوب مجاهد د ليدنې په اړه ويلي، چې د نجونو د زده کړو د زمينې برابرولو تر څنګ ېې د افغانانو نورې غوښتنې او د طالبانو ژمنې ورسره شريکې کړي دي.