تاند:(چار شنبه، د قوس شپاړسمه) د هرات لپاره د طالبانو چارواکو د ټابلييت کا په نوم د نيشه يي توکيو د پلورلو په تور د یوه خور او ورور د نيولو خبر ورکړی.
د هرات لپاره د طالبانو امنيتي چارواکو ويلي، چې دغه کسان يې د هرات ښار په نهمه ناحیه کې نیولي دي.
سرچينه زياتوي، چې له نيول شويو کسانو څخه يوه اندازه یادې ګولۍ هم ترلاسه شوي.
طالبانو د نیول شویو تورنو کسانو په اړه نور جزییات نه دي ورکړي.
د طالبانو له واکمنيدو سره، د نيشه يي توکيو او په ځانګړي ډول د نيشه يي ټابلييتو د کاروباريانو د نيول کيدو خبرونه زیات شوي دي.