تاند(جمعه، د قوس ۱۱ مه) نامعلومو وسله والو نن په کابل کې د پاکستان پر سفارت ډزې کړي او د لومړنیو معلوماتو له مخې، په دې پېښه کې لږترلږه یو تن ټپي شوی دی.
راپورونه وايي چې د حملې هدف د پاکستان شارژدافیر عبدیالرحمان و خو نوموړی له حملې روغ وتلی دی.
د پاکستان صدراعظم شهباز شریف دا پېښه په کلکه غندلې او پر خپله ټویټرپاڼه یې کښلي:
« زه په کابل کې د (پاکستان) پر سفارت دا وحشیانه قاتلانه هڅه په کلکه غندم. سلام دی وي هغه زړور امنیتي ساتونکي ته، چی د خپل ژوند د ژغورلو لپاره په مرمۍ ولګېد. د امنیتي ساتونکي د ژر تر ژره روغتیا لپاره دعاکوم. د دې ناوړه عمل د ژر تر ژره پلټنو او د عاملانو په وړاندې یې د اقدام غوښتنه کوم.»
تراوسه پورې د دې برید مسوولیت چا په غاړه نه دی اخیستی.
I strongly condemn dastardly assassination attempt on 🇵🇰 Head of Mission, Kabul. Salute to brave security guard, who took bullet to save his life. Prayers for the swift recovery of security guard. I
demand immediate investigation & action against perpetrators of this heinous act— Shehbaz Sharif (@CMShehbaz) December 2, 2022
دا نن په کابل کې دوهمه حمله ده. تر دې وړاندې دوو حمله کوونکو نن په کابل کې د اسلامي حزب پر مرکزي دفتر برید وکړ خو مخکې تر دې چې هدف ته ورسیږي ووژل شول.
حزب اسلامي په خپله خبرپاڼه کې وايي چې د حکمتیار په شمول د دغه ګوند هیڅ غړي ته مرګ ژوبله نه ده اوښتې خو د حکمتیار دوه ساتونکي برسېرن ژوبل شوي دي.