تاند- افغانستان د سریلانکا په وړاندې نن په درېیمه مسابقه کې لومړی بیټنګ کوي.
دا د دوو لوبډلو ترمنځ درېیمه یا وروستۍ یو ورځینۍ مسابقه ده او د تصادف له مخې درېیم ځل دی چې افغانستان پجه ګټي او غوره بولي چې لومړی بیټنګ وکړي.
د نړیوال جام خلاف چې افغانستان تقریباً په ټولو سیالیو کې پچه بایلله د سریلانکا په وړاندې د دغه هیواد په خاوره کې پچه د افغانستان په نصیب کېږي.
افغانستان لومړۍ مسابقه په ۶۰ منډو وګټله خو په دوهمه سیالۍ کې یې نسبتاً کمې منډې یعنې ۲۲۸ کړې وې چې سیالي د باران د اورېدو له کبله بې نتیجې پای ته ورسیده.
په نننۍ مسابقه کې سریلانکا دوه بدلونه راوستي دي. سپین باولر او ال راونډر دونیت ویلېج او اسیتا فیرناندو یې د داهنانجیا لاکشان او لاهیرو کومارا پر ځای میدان ته کړي دي.
که سریلانکا دا سیالي وګټي نو دا لوبلړۍ به مساوي شي.
د تېرو دوو سیالیو له کبله، چې یوه یې افغانستان وګټله او بله یې مساوي شوه، افغانستان د ۲۰۲۳ نړیوال جام ته په اتومات ډول لاره ومونده.