تاند- د آیرلنډ د خصوصي ډاټا تنظیموونکو فیسبوک ته ۳۶۵ میلیون یورو جریمه ټاکلې او له دې سره د فیسبوک د اړوندې کمپنۍ یعني میټا ټولې جریمې کابو یو ملیارد یورو ته رسیږي.
د رویټرز خبري اژانس د راپور له مخې، د آیرلنډ وروستۍ جریمه په هغو ګروېږنو پورې تړاو لري چې تېر کال پیل شوې او د یو شمېر خصوصي ډاټاوو د کشف سبب شوې. دا ډاټاوې له ۲۰۱۹ څخه د ۲۰۱۹ تر سپټمبر پورې له فیسبوک څخه ټولې شوي او انلاین شوي وې.
د ایرلنډ له لوري د فیسبوک ۲۶۵ میلیون ډالري جریمه په حقیقت کې د ایرلنډ له لوري د میټا شرکت د اړوندو پلېټفارمونو څلورمه جریمه ده.
ایرلنډ د انلاین مقرراتو ادارې په سپټمبر کې انسټاګرام په ۴۰۵ میلون یورو جریمه کړ خو میټا کمپنۍ، چې انسټاګرام او فیسبوک ورپورې تړلي دي، د دې پرېکړې د بیا کتنې غوښتنه کړې ده.