تاند(سې شنبه، د قوس ۸ مه) د پاکستان د بهرنیو چارو وزارت مرستیاله حنا رباني کهر نن د یوه پلاوي په مشرۍ کابل ته راغله.
د طالبانو د بهرنیو چارو وزارت له خبرپاڼې سره سم، اغلې رباني او ورسره ملګري پلاوي د افغانستان په باندنیو چارووزارت کې له امیرخان متقي سره وکتل.
ټاکل شوې ده چې حنا رباني کهر نن په کابل کې د طالبانو د حکومت له نورو چارواکو سره هم وویني.
له دې سره په ملګري پلاوي کې د مالیې، سوداګرۍ وزارتونو او دغه راز د پاکستان د فدرالي عوایدو ادارې او پي آی اې یا د پاکستان د هوايي شرکت چارواکي شامل دي.
د پاکستان جیو تلویزیون هم کابل ته د اغلې کهر د رسیدو د خبر د خپرولو ترڅنګ ویلي چې دا او ورسره مل پلاوی به یې د کابل په یو ورځیني سفر کې «د افغانستان له موقت حکومت» سره سیاسي دیالوګ وکړي.
وزیر مملکت برائے امور خارجہ حنا ربانی کھر وفد کے ہمراہ ایک روزہ دورے پر کابل پہنچ گئیں
کابل ائیرپورٹ پر وزیر مملکت کا افغان عبوری حکومت کے نائب وزیر اقتصادی امور عبدالطیف اور پاکستانی سفارتخانے کے افسران نے خیرمقدم کیا@HinaRKhar pic.twitter.com/WM0rQdbMMz
— PTV News (@PTVNewsOfficial) November 29, 2022
د پاکستان تلویزیون پر خپله ټویټرپاڼه کښلي چې د دغه هیواد د باندنیو چارو مرستیال وزیرې ته د کابل په هوايي ډګر کې د افغانستان د اقتصاد مرستیال وزیر عبداللطیف او د پاکستان د سفارت دیپلوماتانو هرکلی ووایه.
د پاکستان د بهرنیو چارو وزارت په یوه خبرپاڼه کې ویلي چې اغلې کهر به د تعلیم، سوداګرۍ، پانګونې، سیمه ییز اتصال، د ولسونو ترمنځ د اړیکو او د سیمه ییز امنیت د اړوندو مسلو په شمول په بیلاو بیلو برخو کې پر دوه اړخیزو همکاریو خبرې وکړي.
پاکستاني رسنیو ویلي چې د حنا رباني کهر دا سفر به کابل ته د پاکستان د بهرنیو چارو وزیر بلاول بوټو زرداري سفر ته لاره هواره کړي.
کابل ته د حنا رباني د سفر اعلان؛افغانستان کې ېې د بشري فاجعې خبرداری ورکړ
بیا هم د ملا قهار بلخي یوه لویه تېروتنه.
د پاکستان د باندېنیو چارو وزارت مرستیالې ته باید ستاسو د وزارت سیاسي مرستیال د کابل نړیوال ډګر ته ورغلی وای .
که بل ځل تاسې هلته لاړ شئ هغوی به هم کوم بل څوک درته را ولېږي او د افغانستان حیثیت به په مځکه وولئ .
د ملا هیبت الله نه نیولی تر نور طالب چارواکو پوری یوازی افغانانو باندی خپل جوړکړې اسلامي شریعت تحميلوي ، که داسی نوي ، د پاکستان د بهرنيو چارو معاونې حنا رباني کهرکابل ته پداسی حالت کی چې سرېی لوڅ او د سر ټول ویښتان یی ښکاره کېده په داسی حالت د طالبانوچپ پاتي کيدل څه معنی لرلې شي؟؟،
آیا د طالبانو په ټول مشرتابه کی داسی څوګ نسته چی ووائي څرنګه چی حنا رباني اسلامی حجاب نده مراعت کړی ، موږ نه غواړو له هغې سره ووینو، نو چی دومره غيرت او اسلامیت دوي که نشته چی حنا رباني یوازی خپل ویښتانو پټولو ته اړ باسي ، نو هیبت الله خان بیا ولی د اسلامي شریعت په پلمه زموږ څو ملیونه نجونی له تعلیم نه محروم کړي ، ولی د هیواد داخلي تلویزیونو کی زنانه نطاقان یی مجبور کړي چی ماسک واغوندي ، ولی او په کوم دلیل یی لسګونه میرمنی له کار کولو بی برخی کړي ، اسلامی شریعت خو ټولو باندی یو شان تطبیق او عملی شي ۰
په هرحال پاکستانی چارواکو کابل ته د حنا ربانی سر لوڅ راتلو سره یو ځل بیا نړۍ ته پر طالبانو باندی د خپل نفوذ او کنترول ثابت کړ،او ويښود چې طالب مشران حتې پنجابې ميرمنو مقابل کې د څه وېلو جرئت او شهامت نلري، همدا رنګه حنا ربانی سره د طالب مشرانو لیدنه وښود چی د ملا هیبت الله نه نیولی تر نورو طالب مشرانو پوری اسلام مبین دین او شریعت فقط دخپل واک ټینګولو لپاره استعالوي ، او حنا ربانی سره د طالب مشرانو کتنه د دی خبری ژوندی بیلکه ده ۰