تاند:(دوشنبه، د قوس اوومه) د کورنیو تولیداتو بېلابېل ډوله بیسکوېټو لومړۍ جوپه چې د الله شکور فابریکې تولید کړي د هرات د حیرتان بندر له لارې قزاقستان هېواد ته صادر شول.
د دغه شرکت مشر الله شکور قناعت بخش وویل، چې په مزارشريف کې د بېسکوټو د توليد له فابريکې څخه ۴ ټنه بیسکوټ قزاقستان ته صادر شول او هڅه کوي، چې نږدې راتلونکي کې نورو هېوادونو ته هم د دې محصولاتو د لېږلو پروسه پیل کړي.
د قناعت بخش په وينا، دغه صادرات په بهرنيو هېوادونو کې د کورنيو توليداتو د ودې او بازار موندنې په برخه کې ګټور تمامېداى شي.
د بلخ د سوداګرۍ خونې رئیس احمد شکیب اکبري دغه صادرات یو مثبت او ارزښتناک ګام وباله او هیله یې څرګنده کړه، چې د کورنیو تولیداتو دغه صادرات به له کورنیو تولیداتو سره په بازار موندنه کې مرسته وکړي.
د الله شکور شرکت د بېسکوټو د توليد فابريکه د مزارشريف ښار په صنعتي پارک کې موقعيت لري، چې اوسمهال یې په دوو برخو کې ۶۰۰ کسانو ته د کار زمینه برابره کړې ده.
قزاقستان هېواد ته نه، قزاقستان ته. خو که غواړئ چې د وطن رسمي نوم ولیکئ بیا یې د قزاقستان جمهوریت یا د کزاکستان جمهوریت ولیکئ. قزاقزستان هیواد د پاړسي د کشور قزاقستان ترجمه ده.