جمعه, مارچ 29, 2024
Homeخبرونهد ط-انو عدليې وزير خپلو ۱۵ خپلوانو ته د لوړ پوړو دندو...

د ط-انو عدليې وزير خپلو ۱۵ خپلوانو ته د لوړ پوړو دندو ورکول رد کړل

تاند:(یکشنبه، د قوس شپږمه) د طالبانو د حاکمې ادارې د عدليې وزير شېخ عبدالحکیم شرعي هغه ليست جعلي بللی، چې له مخې ېې نوموړي د خپلو، زامنو، وریرونو او نورو خپلوانو په ګډون د کورنۍ ۱۵ غړو ته په وزارت کې د رياستونو تر کچې مهمې دندې ورکړي.

نوموړي د وزارت له لوري په یوه خپره کړې اعلامیه کې يوازې د خپل يوه زوی نوم ذکر کړی او ویلي،‌ چې دغه زوی یې په وزارت کې کومه دنده نه لري.

ښاغلي شرعي د خپلو نورو خپلوانو د ګومارنې په اړه څه نه دي ويلي.

د طالبانو د عدليې وزير د دغه ادعا شوي کار په اړه له پرون راهيسې يو لیست خپله د طالبانو د یو شمېر مطبوعاتي مبلغينو له لوري خپریږي او سختې نیوکې پرې کیږي.

د طالبانو یوه مشهور مدافع او د کابل پوهنتون استاد فيض محمد ځلاند په خپله ټویټر پاڼه همدې لیست ته په اشارې لیکلي:«وزارت، ولایت کې باید معتمد، د باور وړ کسان وګمارل شي. له زامنو، وروڼو او حتی اوښیانو پورته بل په چا باور کیدلی شي؟»

په امريکا کې مېشت د طالبانو يوه بل مخکیني مشهور مدافع او په وروستيو کې منتقد وحید فقيري بيا ليکلي:«په افغان سوشل میډیا کي د طالبانو د انډیوالیزم په ارتباط یو لست پورته او کښته کيږي.که ګرده ریشتیا وي، د عدلیې وزیر مولوی عبدالحکیم حقاني کاروايي ته باید سړی ګوته په غاښ ونیسي. بسته وزارت وهي په بډه!په یوه حکومت کي انډیوالیزم تر تولو غټ فساد وي.»

د طالبانو ځينو نورو منتقدینو بیا ویلي، چې طالبانو خو د قدرت جزیرو د ختمولو ادعاوې کولې، اوس دې ملت ته د کورنیو، شبکه يي او قشري اړیکو په اساس د ګومارنو ځواب ووايي.

د طالبانو وياندويانو د خلکو نیوکو ته په دې اړه غبرګون نه دی ښودلی.

1 COMMENT

  1. د دریم خلیفه ( عثمان بن عفان ) د وژل کېدو او د وروسته کرغېړنو پیښو د را منځته کېدو اصلی لامل او عامل د قبیله ای پیوندونو پر بنسټ د اشخاصو نامناسبه ګومارنه ګڼل کېده.

LEAVE A REPLY

Please enter your comment!
Please enter your name here

- Advertisment -

ادب