تاند:(شنبه، د قوس پینځمه) د پاکستان تحریک انصاف ګوند په داسې حال کې د حکومت پر ضد د لاریونونو د بیرته غځولو خبر ورکړی، چې د پاکستان امنيتي ادارو پر دغو لاريونونو د نورو احتمالي بریدونو خبرداری ورکړی.
د عمران خان د تحريک انصاف ګوند یوه مشر اسد عمر ويلي، چې نن به ېې لاریونونه بيا تر راولپنډۍ ښار پورې ورسېږي.
له دې سره، راپورونه څرګندوي چې د پاکستان کورنیو چارو وزارت د روانې نومبر مياشتې په دوه ویشتمه تحریک انصاف ګوند ته د یوه لیک په استولو د دوی پر لاریونونو د برید خبرداری ورکړی.
د تېرې اکتوبر مياشتې په ۲۸ مه د پنجاب په وزيراباد کې د عمران خان پر لاریون ډزې وشوې، چې نوموړی پکې په نښه او پر پښه وویشتل شو.
د ياد شوي برید ملامتي عمران خان د پوځ او استخباراتو د څو مشرانو په ګډون پر کورنيو چارو وزير او اوسني صدراعظم واچوله.
عمران خان ته د نورو بریدونو د خبرداري په لیک کې ویل شوي،چې دا ځل د القاعده، داعش خراسان او تحريک لبېک لخوا پرې د بریدونو خطر موجود دی.
تحریک انصاف ګوند د دغه خبرداري او له موجوديت سره یې د لاریونونو د دوام او نه دوام په تړاو څه نه دي ويلي.
دا درې واړه ترهګرې ډلې او په لس هاو داسې نور ترورېستې ګروپونه د پاکستان د استخباراتو او پوځ د ملا تیر جوړوي. دوی ولې یوه ورځ په هیرا مڼډیي چپاو نه اچوي, ولې بې دینه پاکستاني جرنیلان نه وژني چې يوازې د پاکستان د حکومت سیاسی مخالفین او پښتانه وژني.