زه خو فقهی عالم نه یم ، چه دا په عام محضر دوری وهل ځومره ضرور دی ، مونږ په فقه کی فرایض ، واجبات او سنت او مستخبات او ان مباح لرو ، څوک داسی پرته له احساسات ویلی شی هغه هم په یو قوی سند سره چه وښیی جه ایا دا له کومو درجو د دینی احکامو څخه دی، له فرایض ، واجبات او سنت او مستخبات؟

تراوسه په افغانستان کې یو قانوني شرعي او اسلامي حکومت نه دی جوړ شوی . د ټالبانو حمارت له ترور ، ډار ، اختناق ، وژلو زېږنده او عقدوي برخورد نه ډکه اداره ده . دوی لا تراوسه خپل رسمي او پېژندل شوی مشر نه لري . د پردې تر شا او یا پټ مخی شخص چې په زیات ګومان د آی اس آی کوم جنرال به وي ، د دوی زعامت په لاس کې لري .
د ټالبانو اکثرا غړی او د ادارو مشران بېسواده ، له دینی ، اسلامي او شرعي حقوقو ، اصولو او احکامو بې خبره دي . د ټالبانو پولیس او سرتیري له ولس سره دښمنانه عمل کوي ، له خلکو نه په جبر او زور سره اقرار او اعتراف اخلي ، له کوم چا سره چې دښمني لري او یا هغوی ته چې د دوی غوښتنې و نه مني ، جعلي دوسیې جوړوی او بیا یې درنو ، توهین آمېزو جزاګانو ته برابروي چې په عام محضر کې یو بې ګناه انسان توهین او توبیخ شي .
دوی غواړي د اسلام مقدس دین نړیوالو تر نظره وربد کړي او هغوی ته داسې دین معرفي کړي چې د ټولو کرکه ترې وشي . د ملا حقاني په خبره د مباح علم له برکته نړۍ اوس ډېره کوچنۍ شوېده ، په څوثانیو کې د نړۍ له یوه کونج نه بل ته هر خبر رسیږي .
بنا تر هغو چې یو لیکل شوی او ټولو ته منل شوی اساسي قانون نه وي جوړ شوي ، پوه او مسلکي کادرونه د جزا او عدلي چارو د عملي کولو لپاره نه وي روزل شوي ، په عام محضر کې د ولس له خوا یو پوه او پېژندل شوی شخص د هېواد د مشر په توګه نه وي انتخاب شوی ، باید داسې مجازات معطل کړل شي .