تاند:( چارشنبه، د عقرب پینځه ويشتمه) د هرات ښار په ۱۲ مه ناحیه کې د طالبانو استخباراتي ځواکونو د داعش ډلې پر یوه پټنځي د عملیاتو خبر ورکړی.
د طالبانو په یوه اعلامیه کې راغلي،چې د یادو عملیاتو په پایله کې یې پنځه تنه داعشيان وژلي دي.
سرچېنې په دې اړه نور جزییات نه دي ورکړي.
تېره اونۍ د کابل په خيرخانې سیمه کې هم د داعش ډلې پرضد د عملیاتو خبر ورکړل شوی و.
طالبانو له څه باندې يو کال راهیسې په پرله پسې ډول د داعش ډلې د نابودۍ خبر ورکړی، خو وروسته بيا د دې ډلې د فعالیتونو خبر ورکړل شوی.