تاند:( سې شنبه، د عقرب څلور ويشتمه) د پيښور يوې محکمې هم د پاکستان پارلمان کې د وزيرستان د استازي او د پښتون ژغورنې غورځنګ د رهبرۍ غړي علي وزير د په ضمانت خوشې کولو پريکړه کړې ده.
دا پینځم ځل دی، چې پاکستاني محکمې د ښاغلي وزير د خوشې کیدو پریکړه کوي.
د علي وزير وکيل شعېب سدوزی وايي، چې پېښور محکمې علي وزير نه د ۱۰ لکه کلدارو غوښتنه هم کړې، چې دوی منلې.
علي وزير له 2020 راهيسې د کراچۍ په مرکزي زندان کې بندي دی.
د هغه د خوشې کیدو بیا- بيا پریکړې تر اوسه د پاکستان پوځ رد کړي او هغه ېې نه دی خوشې کړی.
علي وزير په خپلو ويناوو کې د پاکستان پوځ او د پښتنو خلاف ېې د وژنو او تباهۍ دسيسې نقد کړې وې، خو د پارلمان د غړیتوب باوجود پوځ بندي کړی او د خوشې کیدو مخنیوی یې کوي.
د ښاغلي وزير د خوشې کیدو لپاره تر اوسه په لسګونه ځله په مختلفو هېوادونو کې لسګونه زره پښتنو ملتپالو لاریونونه کړي.