تاند:(جمعه ،د عقرب شلمه) د ترکیې د پلازمېنې انقرې په ختیځ کې له یوه کور څخه د پنځو افغانانو جسدونه موندل شوي دي.
ویل کیږي چې دا پنځه افغانان یوه اونۍ وړاندې د چاقو په ګوزارونو وژل شوي دي.
په ترکیه کې افغان ډیپلوماتانو هم ددې پنځو افغانانو وژل کېدل تايید کړي دي.
معلومه نه ده، چې دغه افغانان چا او د څه لپاره وژلي دي.
ترکېې نه له ډېرې مودې راهيسې افغان کډوالو سره د پوليسو او جرمي ډلو لخوا د ناوړه چلند راپورونه ورکړل شوي، خو د طالبانو حاکمې ادارې یې په اړه غږ نه دی پورته کړی.