تاند:(چار شنبه ،د عقرب اتلسمه) د کندهارپه سپین بولدک ولسوالۍ کي د اوبو یو بند جوړ او پرانیستل شو.
د ځایي چارواکو په خبره، پر دغه بند، چې د سپین بولدک ولسوالۍ په مرغۍ کلي کې د ښاروالۍ له خوا جوړ شوی ۱۵ میلیونه افغانۍ لګښت شوی.
د سپین بولدک ولسوالۍ د ښاروالۍ انجینر حیات الله حزم وویل،چې ۱۰ زره کورنۍ به د دغه بند له اوبو څخه استفاده وکړي.
د هغه په وینا د دغه بند اوبه د ځانګړو ماشینونو په وسیله تصفیه او بیا به تر کورونو رسیږي.
په وروستيو کې له کندهار څخه د داسې بندونو د جوړېدو خبرونه زیات شوي.