تاند:(پنجشنبه ،د عقرب پینځمه) د طالبانو دفاع وزارت تاييد کړه، چې نن د دغه وزارت پر اړوندو روغتيايي کارکوونکو د چاودنې له کبله په هرات کې پینځه تنه دغه روغتیا پالان وژل شوي
د طالبانو د دفاع وزارت په یوه اعلامیه کې راغلي، چې وژل شوي روغتيايي کارکوونکي د دوی د الفاروق قول اردو اړوند ول.
سرچېنې په چاودنه کې د یو شمېر نورو روغتيايي کارکوونکو د ټپي کیدو خبر هم ورکړی.
د یادې چاودنې مسوولیت چا یا کومې ډلې پر غاړه نه دی اخیستی.
د طالبانو په اعلامیه کې راغلي، چې د پېښې عاملين به په جديت سره وځپي.