داوود جبارخیل
په هند کې په یوه عجیبه پېښه کې یوه ناوې د واده له مراسمو یوه ورځ وروسته وتښتېده او د زوم له کوره یې ټولې پیسې او زیورات غلا کړل.
ناوې وروسته له خپل میړه سره په تلیفوني اړیکه کې وویل: “زه له تاسره مینه نه لرم او نور ما ته ټیلیفون مه کوه”.
دا پیښه د هند د کانپور ښار په جنوب کې د بلهار ولسوالۍ په یوه کلي کې شوې ده.
دغه ځوان زوم چې اوس په دې پوه شوی چې د درغلۍ قرباني شوی، د دې ښځې او د هغې د کورنۍ پر ضد د پولیسو په څانګه کې شکایت کړی دی.
د “انډین ایکسپریس” ورځپاڼې د راپور له مخې، میړه یې پولیسو ته شکایت کړی او موضوع یې تر څېړنې لاندې ده.
زوم په خپل شکایت کې ویلي، کله چې د واده د شپې يه سهار له خوبه را پاڅېده، مېرمن یې د واده په مراسمو کې د ورکړل شویو زیوراتو او جامو تر څنګ ۳۰ زره روپۍ له ځان سره وړې وې.