تاند:(سې شنبه ،د ميزان ۲۶مه) د غزني په اندړو ولسوالۍ کې دوو زامنو خپل پلار ځړولی او وژلی دی.
د ځايي خلکو په وینا، دغه پېښه د خل کلي په يوه کور کې رامنځته شوې ده.
سرچېنې وايي، چې د طالبانو ځواکونو د وژل شوي سړي یو زوی نیولی او بل په تېښته بریالی شوی دی.
د دغې پېښې دلیل نه دی روښانه، ځايي چارواکو ېې په اړه څه نه دي ويلي.
څو ورځې وړاندې د کندهار په ډنډ ولسوالۍ کې یوه کس خپل ۳۵ کلن زوی له دې کبله حلال کړی و، چې د پلار له دویم واده سره ېې مخالفت کړی و.
په وروستيو کې د افغانستان له بېلابېلو سيمو څخه د داسې پېښو خبرونه زیات شوي دي.