تاند(دوشنبه، د میزان ۲۵ مه) د طالبانو د حکومت رسمي ویاند ذبیح الله مجاهد وايي چې عبدالباقي حقاني د لوړو زده کړو له وزارته لېرې شوی او پر ځای یې د دوی د مشرملا هبت الله اخوندزاده په امر ملا ندامحمد ندیم د لوړو زده کړو وزیر ګومارل شوی دی.
ملا ندیم تر دې وړاندې د کابل والي و او د هغه په اړه ویل کېږي چې زښت سختدریځی دی.
د عالیقدر امیرالمؤمنین حفظه الله د فرمان پر اساس د کابل ولایت مخکنی والي شیخ ندا محمد ندیم د لوړو زده کړو وزارت د سرپرست په حیث وټاکل شو.
به اساس فرمان عالیقدر امیرالمؤمنین حفظه الله والی سابق کابل شیخ ندامحمد ندیم به حیث سرپرست وزارت تحصیلات عالی کشور تعین گردید. pic.twitter.com/CjPtFU5s2K
— Zabihullah (..ذبـــــیح الله م ) (@Zabehulah_M33) October 17, 2022
تر دې وړاندې د ملاهبت الله اخوندزاده په امر د پوهنې وزیر، چې ویل کېدل د نجونو د زده کړو پلوی دی، له دندې ګوښه شو او پر ځای یې یو کم سواده ملا مقرر شو.
د ملاهبت الله اخوندزاده په اړه ویل کېږي چې کنټرول یې د بل چا په لاس کې دی او هڅه کوي چې د ۱۹۹۶ او ۲۰۰۱ په شان سخت قوانین نافذ کړي څو د طالبانو رژیم لا ډیر په نړۍ کې منزوي او یوازې پاکستان ته محتاج شي.
عبدالباقي حقاني وروسته له دې له دندې ګوښه شو چې د ننګرهار پوهنتنون افتخاري دوکتورا ورکړه.
https://www.youtube.com/watch?v=8m7TkwAncBU&t=44s