تاند(چهارشنبه، د میزان ۲۰ مه) لسګونو زرو پښتنو پرون په سوات کې د ناامنۍ پر ضد په ستر لاریون کې ګډون وکړ.
دې مظاهرې ته د پښتون ژغورنې غورځنګ مشر منظور پښتین، د عوامي نشنل ګوند مشر اسفندیار ولي، مشهور ملتپال مشر افراسیاب خټک، د جماعت اسلامي ګوند سناتور مشتاق احمد خان او ګڼو نورو ویناوړې وکړې.
دا مظاهره وروسته له دې وشوه چې د سوات په بیلابیلو سیمو کې یو وار بیا طالبانو سرونه راپورته کړل او د ناامنۍ پېښې زیاتې شوې.
غونډې ته د پښتون ژغورنې غورځنګ کارزماتیک مشر منظور پښتین د پاکستان مرکزي حکومت او پوځ ته انتقاد ګوته ونیوله او په مستقیم او غیر مستقیم ډول یې استخبارات په ناامنیو کې په لاس لرلو تورن کړل.
ده وویل، د ترهګرۍ په نوم جګړې پښتانه ډیر وځورول او نور به پښتانه په دې پلمه چا ته اجازه ورنه کړي چې د پښتنو په خاوره کې جنګ وکړي.
ده په سوات کې لسګونو زرو پښتنو غونډه د دې ښکارندویه وبلله چې پښتانه د پاکستان د مرکزي حکومت او پوځ په لوبو پوی شوي دي او نور پرې نه غولیږي.
غونډې ته اسقندیار ولي خان وویل، دې سترې مظاهرې وښوده چې پښتانه ترهګري نه مني.
دا د سوات په تاریخ کې تر ټولو ستره مظاهره بلل شوې ده.
غونډې ته اکثره ویناوالو په خپلو ویناوو کې چارواکي د ناامنۍ په مخنیوي کې په پاتې راتلو ملامت کړل.
انشاءالله تعالی دغه ولسونه به انقلاب کوي او له تورجوسي لعنتي پنجابي به ځان خپلواکه کوي. ❤️👍🤲