تاند:(جمعه ،د ميزان ۱۴مه) د افغانستان پخواني ولسمشر حامد کرزي په کابل کې د کاج ښوونيز مرکز د پېښې د يوه قرباني په غمرازۍ مراسمو کې برخه اخيستې ده.
د حامد کرزي مطبوعاتي دفتر ویلي،چې نوموړی د یوه قرباني کورنۍ ته د غمرازۍ لپاره ورغلی او ورته یې ویلي:« ټول افغان ملت ستاسې په وير کې شریک او ماتم ځپلی دی.»
پر کاج ښوونيز مرکز د تېرې جمعې ورځې په ځانمرګي برید کې څه کم ۵۰ تنه وژل شوي او شاوخوا ۸۰ نور ټپيان شوي دي.
د يادې پېښې مسووليت چا پر غاړه نه دی اخیستی.
کاج په کابل کې د کانکور ازموینې د چمتووالي يو مشهور مرکز و، چې اکثره زده کوونکې ېې هزاره نجونې وې.
د هزاره ګانو یوه سیاسي مشر حاجي محقق د دغې پېښې قربانيانو سره د طالبانو د ساړه چلند او په دې پېښه کې د حاکمې ادارې د لاس لرلو تور پورې کړی، خو طالبانو ېې ادعا بې بنسټه ګڼلې او ویلي، چې زيانمنو کورنيو سره ېې شاوخوا دوه نیم میلیونه افغانۍ مرسته کړې ده.
مرسته د په کونه ومنډي ! محافظت دې وکړي د نجونو ښوونځي د خلاص کړي!