تاند:(يکشنبه ،د ميزان ۱۰مه) د بدخشان په کوهستان ولسوالۍ کې یوه کس تېر ماښام خپله طلاقه کړې مېرمنه او د هغې مور دواړه يو ځای وژلي.
دغه کس عبدالهادي نوميده او يوه مياشت د طالبانو د محکمې په امر خپله مېرمنه طلاقه کړې وه.
د سیمې اوسیدونکو ویلي،چې قاتل په داسې حال کې چې اوښی ېې کور کې نه و، د دوی کور ته ورغلی او خپله پخوانۍ مېرمنه او خواښې یې وژلي.
د بدخشان د اطلاعاتو او فرهنګ لپاره د طالبانو رييس معزالدین احمدي وايي،چې د دوی ځواکونو د پېښې د عامل د نیولو لپاره هڅې پيل کړي دي.
د طالبانو له واکمنيدو سره د اقتصادي ناورين او فقر زياتوالی د کورني تاوتريخوالي او ورته پېښو له اصلي لاملونو ګڼل کېږي.