تاند:(يکشنبه ،د ميزان ۱۰مه) په افغانستان کې د ملګرو ملتونو د سرمنشي د ځانګړي استازي دفتر یوناما د کابل د وروستي ځانمرګي برید ډ مرګ ژوبلې په اړه خپل معلومات په ډاګه کړل.
د يوناما په يوه اعلاميه کې راغلي،چې د جمعې ورځې په دغه برید کې لږ تر لږه ۳۵تنه وژل شوي او ۸۲ نور ټپيان دي.
دغه برید د کاج په نوم د کانکور ازموینې د چمتووالي پر يوه مرکز ترسره شو،چې ډېرې قربانيان ېې نجونې دي.
یاد شوی تروریستي برید د افغان سیاستوالو او بهرنيو هېوادونو ګڼو غبرګونونو سره مخ شو.
د ملګرو ملتونو امنیت شورا د پېښې د عاملینو د نیولو او مجازات غوښتنه وکړه، خو يو شمېر افغان سیاستوالو او نړيوالو بنسټونو طالبان هېواد ته د امنیت راوستو په ادعاوو کې دروغجن او ناکام وبلل.
د طالبانو ادارې د پېښې د عاملینو د نیولو او مجازات ژمنه کړې ده.