تاند:( پنجشنبه ،د سنبلې ۳۱ مه) د عبدالکریم خلیلي په مشرۍ د هزاره قوم مطرح ګوند ( حزب وحدت اسلامي) د ازبکانو د ګوند ملي جنبش له مشر عبدالرشيد دوستم څخه غوښتي،چې پاکستان ته د خلیلي د کار کولو د تور له کبله بښنه وغواړي.
حزب وحدت ګوند په یوه اعلامیه کې د دوستم تورونه بې بنسټه ګڼلي او ویلي،چې یاد شوی ګوند دغه راز جګړې ته مخ اړول ناکام سياست بولي.
د خلیلي د ګوند په اعلامیه کې د دوستم لګول شوي تورونه ناسنجیده او غیر مسوولانه ګڼل شوي.
خلیلي ټینګار کړی،چې سياسي ډلې دې د خبرو او تفاهم له لارې طالبانو سره د خپلو ستونزو حل ته لومړيتوب ورکړي.
عبدالرشيد دوستم په خپله یوه وروستۍ رسنیزه شوې وینا کې کریم خلیلي تورن کړی،چې پاکستان نه ېې پيسې اخيستي او د دغه هېواد تابع ګرځیدلی.
په دې اړه نور جزییات د دغه لېنک له کېکاږلو سره ولولئ: