تاند:( شنبه،د سنبلې شپږ ويشتمه) په کندهار کې د طالبانو د ۲۰۵ البدر قول اردو مسوولین وايي چې په دغه ولایت کې یې ۲ تنه د زغرو د قاچاق په تور نیولي دي.
د طالبانو د دغه قول اردو چارواکي وايي، چې نن یې په کندهار کې بهر ته د نظامي زغرو د قاچاق په تور دوه تنه نیولي او ۵۵۰ زغرې یې هم ترې ترلاسه کړې دي.
طالبانو د نیول شویو کسانو هويت او نور جزییات نه دي په ډاګه کړي.
مخکې هم پاکستان ته د افغان پوځي تجهیزاتو او وسلو د پراخ قاچاق خبرونه ورکړل شوي، چې طالبانو یې ځینې موارد تایید کړي او ځینې رد کړي دي.
د پوځي او نظامي تجهیزاتو قاچاق کوونکي او غله باید په عام محضر کې مجازات شي چې نورو ته عبرت شي . دا ملي خیانت دی .
همدارنګه د معدنونو ، ملي آثارو او نورو ارزښت لرونکو شیانو قاچاقبران باید محاکمه او د دوی ټول شته ضبط شي .