تاند:( پنجشنبه،د سنبلې څلور ويشتمه) د زابل د شهر صفا ولسوالۍ په دوښا بند سیمه کې ۱۰۰۰ جریبه دولتي ځمکه له غصبه خلاصه شوه.
د دغه ولایت لپاره د طالبانو امنیه قوماندان مولوي محب الله اخند زاده وايي، هڅې یې پیل کړي چې د مرکز کلات په ګډون د زابل په ټولو ولسوالیو کې دولتي غصب شوې ځمکې له غصبه خلاصې کړي.
نوموړي نه دي ويلي،چې یادې ځمکې چا غصب کړې وې او څه ډول استفاده یې ورڅخه کوله.
د طالبانو له واکمنيدو سره په ډېرو ولايتونو کې د سلګونه زره جریبه غصب شویو ځمکو د را ګرځولو خبرونه ورکړل شوي.
خلک د طالبانو دا ډول اقدامات ستایي،خو ټینګار کوي چې د غصب شویو کورونو او ځمکو په ګرځولو کې دې توپیري چلند نه کیږي او نه دې هم خپله طالب چارواکي د پخوانيو چارواکو او نورو شتمنو څېرو کورونه او شتمنۍ غصبوي.