تاند:( چار شنبه،د سنبلې درويشتمه) په افغانستان کې د طالبانو د حاکمې ادارې يوه وياند ويلي، چې پاکستاني ځواکونو پرون د اصولو خلاف ډیورند کرښې ته نیږدې د پوستې د جوړولو هڅه کړې.
د وياند بلال کریمي په وينا، د دوی ځواکونو غوښتل ددې موضوع په اړه له پاکستاني پوځیانو سره خبرې وکړي خو هغوی ورباندې ډزې کړې دي او تلفات رامنځ ته شوي دي.
کریمي وايي، چې د دواړو خواوو چارواکي لاس په کار شوي څو کرښې ته نیږدې د تاسیساتو جوړولو او په راتلونکي کې د داسې پېښو د رامنځ ته کېدو مخه ونیسي.
پاکستاني چارواکو په دې اړه څه نه دي ويلي.
د پاکستان او طالبانو ترمنځ مخکې هم د ورته نښتو راپورونه ورکړل شوي،تر دې چې پاکستاني ځواکونو يو ځل د افغانستان په خوست ولايت کې له دې ادعا سره چې پاکستاني طالبان یې په نښه کول،هوایي بمبار هم کړی،خو د خلکو په وینا چې د طالبانو ادارې یې پر وړاندې کوم جدي غبرګون نه دی ښودلی.
په دې زرګري خبرو اوس څوک نه غولېږي. ټالب د پاکستان له امره پرته خوله هم نشې خلاصولی. دا هسې مفته قصې دي. افغانستان رسما اشغال دی. دا له عوام فریبي بل هيڅ ندي.