تاند:( چار شنبه،د سنبلې درويشتمه) د پاکستاني رسنيو د استازو یوه پلاوي کابل ته سفر کړی.
د طالبانو خبري سرچينو ويلي،چې دغه پلاوي د دوی لوړ پوړو وياندويانو او د افغاني رسنيو استازو سره ګډه غونډه کړې ده.
مجاهد په دې غونډه کې د دواړو هېوادونو د رسنيو تر منځ همکاري اړينه ګڼلې او ویلي،چې د ورورګلوۍ اړیکو د پراختیا لپاره به د افغاني رسنيو استازي پاکستان ته په سفر واستوي.
په يوه بل خبر کې راغلي،چې د پاکستاني خبريالانو دغه پلاوي د حزب اسلامي مشر ګلبدين حکمتيار سره هم ليدلي.
دا په داسې حال کې ده،چې له پاکستان څخه د جمهوري نظام له سقوط څخه وروسته دغه هېواد ته د ورغلو افغان خبریالانو د ورځ تر بلې زیاتیدونکو ستونزو خبرونه ورکول کېږي.