تاند:( جمعه،د سنبلې اتلسمه) په هرات کې د طالبانو چارواکي وايي،چې نږدې ۱۶۰ زره جریبه دولتي ځمکه له غاصبینو راګرځول شوې ده.
په یاد ولایت کې د غصب د مخنیوي کمېسیون ويلي، چې په تېرو لسو میاشتو کې یې ۱۵۷ زره ۶۷۳ جریبه غصب شوې دولتي ځمکه بېرته راګرځولې ده.
طالبانو په دې اړه نور جزییات نه دي ورکړي.
د زورواکو، ځمکې مافیا او نورو خلکو له لوري د دولتي ځمکو په پراخه کچه غصبول د افغانستان د جمهوري نظام پر مهال یوه لویه ستونزه وه،چې چارواکي يې د فساد په ګډون د مختلفو عواملو له کبله په مخنيوي کې پاتې راتلل.
خلکو په دې برخه کې د طالبانو د اقداماتو ملاتړ کړی او ویلي،چې ټولې دولتي ځمکې او غاصبین یې باید تعقيب کړل شي.