تاند:( جمعه،د سنبلې اتلسمه) د ننګرهار له یوه سوداګر څخه غلو۱۵ميليونه افغانۍ غلا کړي.
سوداګرو په دې اړه د ننګرهار لپاره د طالبانو والي حاجي ملا محمد نعيم اخند سره لیدلي او د غلو د پیدا کیدو تر څنګ ېې د غلاوو د مخنيوي غوښتنه ورڅخه کړې ده.
د ننګرهار لپاره د طالبانو د والي مطبوعاتي دفتر وايي،چې حاجي ملا محمد نعيم اخند په رامنځته شوې پېښې خواشيني وښوده او سوداګرو ته يې د همکارۍ ډاډ ورکړ.
نوموړي خپلوامنيتي ادارو ته د پېښې تعقيب او د ټولو غلو او لارې وهونکو پر وړاندې يې د سختو او قانوني اقداماتو امر هم کړی.
د طالبانو په اعلامیه کې د یادې غلا د وخت،څرنګوالي او نورو جزيياتو په اړه څه نه دي ويل شوي.