په شاوخوا لسو زرو بیتونو او څلورو سوو پاڼو کې یو سل او اته نوي کیسه ییز نظمونه؛ “د جهاني مثنوي” اثر، چاپ او خپور سو.
د صداقت خپرندويي ټولني لخوا، د هیواد د ډېرو ولایتونو ترڅنګ، د پېښور او کوټي په ګډون د پښتونخوا کتاب پلورنځيو ته دغه اثر لېږل سوی دی.
په پام کي ده چي ډېر ژر یې د امازون له لاري د نړۍ تر بېلابېلو څنډو د رسولو چاري بشپړي سي.
په پښتو ژبه کې دغه بې ساری کتاب، د عقلانیت، پند او عبرت په موخه د انساني ټولني د تجربو، خیالاتو او تصوراتو یوه خورا بډایه ټولګه ده. د نړیوالو فوکلوري کیسو د غورچاڼ ترڅنګ یې، یو شمېر پېښي او د ښاغلي عبدالباري جهاني خپلي فکري پنځوني دي؛ چي په مثنوي فورم کي، په روانه، آهنګینه او آسانه بڼه وړاندي سویدي.
د هر کیسه ییز نظم څخه د پند په موخه، پایله رااخیستل سوې او د وخت او چاپیریال سره تړل سوېده.
زه باوري یم، چې ددغه اثر لوست به د فکري تعمیر او تعمیري فکر په خپرولو کي بارزه ونډه ولري.
تر ډېرو کورونو د رسېدلو په موخه او د افغانانو د ناسم اقتصادي وضعیت په درک، ښاغلي جهاني لارښوونه کړې، چي کتاب پلورونکي دي پر دې اثر ګټه نه کوي او حتی د چاپ د لګښت په نیمايي بیه دي یې وپلوري.