تاند( شنبه ، د سنبلې پينځمه) په لوګر کې وروستیو سېلونو له کبله د ۲۴ښوونځیو ودانۍ ويجاړې شوي.
د طالبانو د ځایي چارواکو د معلوماتو له مخې، دغه ښوونځي په بره کي برک، خوښۍ، محمد آغې ،خروار او اذرې ولسواليو کې سېلونو ځپلي او ویجاړ کړي.
طالب چارواکو د يادو ښوونځيو په اړه نور جزییات نه دي ورکړي او نه ېې هم د بیرته رغولو د کوم پلان يادونه کړې.
په لوګر کې د تېرې اونۍ د سېلونو پر مهال لسګونه تنو ته مرګ ژوبله واوښته او سلګونه کورونه وېجاړ شول.
زيانمن شوي خلک شکایت کوي،چې تر اوسه ورسره د پام وړ مرستې نه دي شوي.
طالبانو له نړيوالو مرستندويانو غوښتي،چې سیلاب ځپلیو سره عاجلې مرستې وکړي.