تاند( شنبه ، د سنبلې پينځمه) ‏‏‏د افغانستان د‌ پرزول شوي جمهوري نظام د رسنيو مرکز د مشر او يوه مخکښ وياند دواخان مينه پال له وژل کيدو وروسته د نوموړي د بې سرپرسته کورنۍ د بد اقتصادي وضعیت په اړه راپورونه ورکړل شوي.

افغان لیکوالې او خبریالې فرشته جلالزۍ د نوموړي د مېرمنې په حواله لیکلي،چې بې سرپرسته کورنۍ ېې په افغانستان کې ایساره او ګڼو اقتصادي ستونزو سره مخامخ ده.

 جلالزۍ د نوموړي د مېرمنې په حواله زیاتوي،چې د مينه پال له وژل کيدو وروسته د نوموړي کورنۍ ته د کور ورکولو ژمنه نه ده پوره شوې او دغه راز یې د کورنۍ لپاره شوې مرسته حیف و میل شوې ده.

ځينو سرچينو د يادې مرستې په حیف و میل کې د

 د ځينو کسانو د لاس لرلو ادعا کړې،خو مېرمن جلالزۍ ویلي چې د مينه پال مېرمنه په مشخص ډول پر چا ادعا نه لري.

فرشته جلالزۍ ویلي،چې د مينه پال کورنۍ په کرايي کور کې ژوند کوي، اقتصادي ستونزې او لږ تر لږه د لوڼو د زده کړو لپاره پاکستان ته د تګ هيله لري او دوی ورته د مرستې ټولولو يو انلاين کمپاين پيل کړی.

ځينو فعالانو د جمهوري نظام په بهر مېشتو چارواکو او بې واکه شوي ولسمشر محمد اشرف غني نيوکې کړي،چې د مینه پال په شان مهم ویاند کورنۍ ته یې ولې پاملرنه نه ده کړې.

دواخان مینه پال د جمهوري نظام د ولسمشر د ویاند مرستیال او په وروستيو کې د حکومت د رسنیو مرکز رییس و.

مينه پال د جمهوري نظام په وروستيو ورځو کې د يوه برید پر مهال ووژل شو،چې مسوولیت یې پر افغانستان اوسنيو حاکمو طالبانو پر غاړه واخيست.