تاند( يکشنبه ، د اسد ۳۰ مه) راپورونه وایي،چې د جلال اباد-تورخم په لویه لاره د طالبانو يوه رېنجر ۳تنه موټر چلوونکي وژلي.
د ځايي سرچينو د معلوماتو له مخې،دا پېښه په غازي امان الله خان ښارګوټي کې رامنځته شوې او وژل شوي درې واړه کسان موټر چلوونکي دي.
د ځايي سرچينو په وينا،له پېښې وروسته د سیمې خلکو لاریون کړی او د تورخم -جلال اباد لاره یې د څو ساعتونو لپاره تړلې ده.
د طالبانو ځايي چارواکو په دې اړه څه نه دي ويلي.
د طالبانو د موټر چلوونکو د بې احتياطۍ له امله تر دې مخکې هم ګڼې داسې پېښې رامنځته شوې وې.