تاند( شنبه ، د اسد ۲۹ مه) د پکتیکا په برمل ولسوالۍ کې د وروستیو زلزلو قرباني شویو کورنیو ته د زرو کورونو د جوړولو چارې پیل شوې.
د طالبانو د طبيعي پېښو د چارو وزارت مرستيال د دغو کورونو د بنسټ ډبرې د ايښودلو پر وخت ویلي،چې په نیږدې راتلونکي کې به د پکتیکا په نورو ولسواليو کې هم زرو زلزله ځپلو کورنيو ته د کورونو د جوړولو چارې پیل شي.
د طالبانو په اعلامیه کې د يادو کورونو د لګښت او تمویلونکو په اړه څه نه دي ويل شوي.
يوې خبري سرچېنې ویلي،چې پر هر کور تر ۵ زرو امريکايي ډالرو لګښت ممکن وشي.
څه موده مخکې د طالبانو ياد شوي وزارت د يوې مرستندويه مؤسسې يادونه کړې وه،چې د يادو کورونو د جوړولو چمتووالی یې څرګند کړی و.