تاند( يکشنبه ، د اسد ۲۳ مه) د پروان په سیاه ګرد او شینوارو ولسوالیو کې د سېلاوونو راوتو درانه زیانونه اړولي.
د طالبانو ځايي چارواکو ويلي ،چې د دغو سېلاوونو له امله ۱۷ تنه مړه شوي، زیات شمېر نادرکه شوي او لسګونه کورونه ویجاړ شوي.
ځايي خلک وایي چې یوازې د سیاه ګرد د تیکمر په سیمه کې یو کلی چې ۳۰ کورنیو په کې ژوند کاوه په بشپړ ډول اوبو لاندې کړی.
تر اوسه د دغو سېلاوونو د زيانونو ټول جزييات نه دي روښانه شوي.
افغانستان سږ کال د سېلاوونو، زلزلو او نورو طبيعي پېښو له کبله بېساري زيانونه او تلفات وګالل.
د دغو پېښو ځپل شوي نیوکه کوي،چې د طالبانو حکومت او نړيوالو مرستندويانو ورسره لازمې مرستې نه دي کړي.