تاند( يکشنبه ، د اسد ۲۳ مه) د ایران د بهرنیو چارو وزارت مرستيال له طالبانو سره د افغانستان په ګډه پوله کې د وسله والو نښتو او ناندريو له زياتيدو وروسته کابل ته راغلی.
طالب او ايراني چارواکو ويلي، چې نوموړی به د سرحدي مسلو په اړه د طالبانو له مقاماتوسره خبرې وکړي.
په کابل کې د ایران سفارت نن په یوټویت کې لیکلي، چې په قونسلي برخه کې د ایران د بهرنیو چارو وزارت مرستیال بیګدلي له طالبانو سره د خبرو لپاره کابل ته رسېدلی دی.
د ایران سفارت کابل ته د بیګدلي د سفرهدف قونسلي همکارۍ، ایران ته د افغانستان د اتباعو د سفرونو قانوني کولو او د ګډو پولو د امنیت تامینول بللي دي.
تېره اوونۍ د ایران د ولسمشر ځانګړي استازي هم کابل ته سفرکړی و.
طالبانو د ایراني هیئت سفر په اړه څه نه دي ویلي، خو تر کنټرول لاندې باختر اژانس ېې د ايراني سرچينو په حواله دغه سفر تاييد کړی.