تاند( دوشنبه ، د اسد ۱۷ مه) ايراني چارواکو په دغه هېواد کې له افغان کډوالو سره د ناوړه چلند له راپورونو سره هم مهاله ادعا کړې،چې يو افغان رواني ناروغ يې د څلورو ايرانيانو په ګډون د ۱۰تنو د وژلو په تور نیولی.
د ایران د رفسنجان د پولیسو مشر حسین رضايي ویلي چې،دا پېښه په يوه باغ کې د شخصي شخړې پر وخت رامنځته شوې ده.
ايراني چارواکي د نوموړي د کورنۍ د غړو په حواله وايي،چې نيول شوی کس رواني ناروغ دی او د پوليسو له لوري یې د نيول کیدو پر وخت هم د ځان وژنې هڅه کړې وه.
په ايران کې د افغانستان سفارت،چې ایراني چارواکو طالبانو ته سپارلی،په دې اړه څه نه دي ويلي.
په وروستيو کې له پاکستان،ايران او ترکیې څخه د افغان کډوالو پر وړاندې په پرله پسې ډول د ناوړه چلند خبرونه ورکول کېږي،خو په کابل کې د طالبانو حاکمه اداره ېې پر وړاندې څه نه وايي.