تاند( دوشنبه ، د اسد ۱۷ مه) په پاکستان کې د دغه هېواد حکومت او د افغانستان په پلازمېنه کابل کې طالبانو نن د مخابراتي شبکو خدمتونه ځنډولي دي.
د کابل ښار یو شمېر اوسېدونکي وايي، له نن (دوشنبه) سهار راهیسې د کابل ښار په ډېری سیمو کې د مخابراتي شبکو خدمات پرې شوي دي.
دوی زیاتوي، دې چارې دوی له ستونزو سره مخ کړي.
په کابل کې د طالبانو حاکمې ادارې په دې اړه څه نه دي ویلي.
په ورته وخت کې د پاکستان له پلازمېنې اسلام اباد څخه تاند ته په رسيدلو معلوماتو کې ويل شوي،چې هلته هم نن مخابراتي خدمتونه ځنډول شوي.
پاکستاني چارواکو هم د دغه کار دلیل نه دی روښانه کړی.
معلومه نه ده،چې دا ځنډ له څه وجې رامنځته شوی او تر کله به دوام وکړي.