تاند( يکشنبه ، د اسد ۹ مه) پاکستاني رسنيو خبر ورکړ، چې د دغه هېواد دوه کرکټ لوبغاړي افتخار احمد او میر حمزه په کابل کې پر شپږيزې کرکټ سياليو د اوړمې ورځې له چاودنې وروسته بيرته خپل هيواد ته ستانه شوي دي.
د افغانستان کرکټ بورډ په دې اړه څه نه دي ويلي.
د تېرې جمعې په ورځ د کابل ښار په زړه کې پر شپږیزې کرکټ سياليو چاودنه وشوه، چې طالب چارواکو پکې د ۲ تنو وژل کيدل تاييد کړل.
د ملګرو ملتونو سرمنشي انتونيو ګوتريش په دې چاودنه کې د ۱۹ تنو د وژل کیدو او یو شمېر نورو د ټپي کیدو خبر ورکړ.
د کابل د امنیې قومندانۍ لپاره د طالبانو ویاند خالد ځدراڼ بيا له نړیوالو سازمانونو او دیپلوماتیکو مراجعو وغوښتل، چې د امنيتي پېښو په اړه د تبلیغاتو ښکار نه شي او د دوی پر معلوماتو باور وکړي.
د يادې پېښې څو عیني شاهدانو تاند ته ویلي وو، چې د پېښې په ځای کې ېې تر لسو ډېر جسدونه لیدلي وو.